Լեհաստանը որոշել է փակել Ռուսաստանի գլխավոր հյուպատոսությունը

Լեհաստանը որոշել է փակել Ռուսաստանի գլխավոր հյուպատոսությունը Պոզնան քաղաքում ենթադրյալ դիվերսիայից հետո, հայտարարել է Լեհաստանի արտգործնախարար Ռադոսլավ Սիկորսկին։

Նախարարի խոսքով՝ գլխավոր հյուպատոսության բոլոր աշխատակիցները Լեհաստանի տարածքում անցանկալի անձինք կճանաչվեն։

Երեկ Սիկորսկին հայտարարել է դիվերսանտի կալանավորման մասին, ով մեղադրվում է Վրոցլավում ռուսական հատուկ ծառայությունների ցուցումով հրկիզում իրականացնելու մեջ։