«Հայաստանը հուսով է չորս շաբաթում ստորագրել Ադրբեջանի հետ խաղաղության համաձայնագրի դրույթները». նախագահի հարցազրույցը Reuters-ին
Հայաստանը հուսով է առաջիկա չորս շաբաթվա ընթացքում ստորագրել Ադրբեջանի հետ խաղաղության համաձայնագրի դրույթները, Reuters-ին տված հարցազրույցում ասել է ՀՀ նախագահ Վահագն Խաչատուրյանը: Ըստ նրա՝ այդ քայլը կարող է թուլացնել լարվածությունը Հարավային Կովկասում, թեև Բաքուն հասկացնում է, որ գործընթացը մտել է փակուղի: Այդուհանդերձ, Հայաստանի նախագահն ասել է, որ Երևանը հույս ունի, որ Ադրբեջանի հետ կստորագրի Խաղաղության համաձայնագրի 16 հոդվածները մինչև COP29-ը, որը Բաքուն կհյուրընկալի նոյեմբերի 11-22-ը։ «Եթե միայն մենք լինեինք, այն կստորագրեինք հենց հիմա, այսօր: Բայց հույս ունենք, որ վաղ թե ուշ կհասնենք այդ կետին»,- ասել է նա՝ ելույթ ունենալով Համբուրգի Կայուն զարգացման համաժողովի շրջանակներում: Համաձայնեցված հոդվածները պարունակում են միջազգայնորեն ճանաչված հիմնական դրույթներ դիվանագիտական հարաբերությունների հաստատման համար։ Դրանք նաև ապահովում են մեխանիզմ, որը թույլ է տալիս երկու կողմերին՝ շարունակելու բանակցությունները, ի թիվս այլ դրույթների, ըստ Հայաստանի վարչապետի անցյալ ամիս ունեցած ելույթի: Խաչատուրյանը նաև ասել է, որ Ադրբեջանի մերձավոր դաշնակից Թուրքիայի հետ բանակցությունները լավ են ընթանում, և քննարկվում է երկու երկրների միջև սահմանը երրորդ երկրների քաղաքացիների և դիվանագիտական անձնագրեր ունեցող անձանց համար բացելու առաջարկը։ «Սա կնշանակի, որ իրական դիվանագիտական հարաբերություններն իրականություն են դարձել»,- նշել է նախագահը: |
«Հայաստանը հուսով է չորս շաբաթում ստորագրել Ադրբեջանի հետ խաղաղության համաձայնագրի դրույթները». նախագահի հարցազրույցը Reuters-ին
4623:06Վրաստանի վարչապետն առաջնահերթություն է համարել ՌԴ-ի հետ հակամարտության կարգավորումը
6122:30«Այս ընթացքը տարածաշրջանային խոշոր պատերազմ է հրահրում. ինչպես կանխել»․ Վահե Հովհաննիսյան
7917:24«Հատուկ նվերով այցելեցի ԲԴԽ»․ Բորիս Մուրազի (տեսանյութ)
8417:06«Պուտինի ծննդյան օրվա շնորհավորանքը ո՞ր տրամաբանության մեջ է տեղավորվում»․ Արթուր Սաքունց
9915:54Պուտինը երկկողմ հանդիպումներ կունենա Նիկոլ Փաշինյանի և Իլհամ Ալիևի հետ
8615:42