«Հայաստանը ցանկանում է, որպեսզի Թուրքիան նպաստի Ադրբեջանի հետ խաղաղության հաստատմանը»․ Էրդողան

Թուրքական Daily Sabah պարբերականը, հղում կատարելով այդ երկրի նախագահ Էրդողանի՝ լրագրողների հետ ունեցած հարցազրույցին, գրում է․ «Նախագահն ասել է, որ ՀՀ վարչապետ Նիկոլ Փաշինյանը ցանկանում է, որպեսզի Թուրքիան աջակցի Ադրբեջանի հետ խաղաղության հաստատմանը։ «Սա այն է, ինչին մենք ձգտում ենք»,- ասել է Էրդողանը՝ շարունակելով, որ երկու երկրների միջև խաղաղությունը դուռ կբացի նոր հնարավորությունների և ձեռքբերումների համար, և որ Թուրքիա-Հայաստան հարաբերությունների կարգավորման գործընթացը նույնպես առաջընթաց կունենա»։