Փարիզում Օլիմպիական խաղերի բացման օրը խափանվել է գնացքների երթևեկությունը

Փարիզում Օլիմպիական խաղերի բացման օրը խափանվել է գնացքների երթևեկությունը, գրում է RMC Sport-ը:

Չվերթների չեղարկման և հետաձգման պատճառով ուղևորները ստիպված են լքել Փարիզի Մոնպառնաս թաղամասի երկաթուղային կայարանը:

Նշվում է, որ գնացքների երթևեկության վերսկսումը սպասվում է երկուշաբթի՝ հուլիսի 29-ից ոչ շուտ:

Խաղերի բացման արարողությունը տեղի կունենա այսօր՝ հուլիսի 26-ին: Օլիմպիական խաղերը կտևեն մինչև օգոստոսի 11-ը:

Թելեգրամյան ալիքները՝ հղում անելով երկաթուղային օպերատորին, պնդում են, որ պատճառը դիտավորյալ հրկիզումներն են: