«Դուք բացառիկ գորովանք ունեք ՔՊ-ականների նկատմամբ»․ Լիլիթ Գալստյանը՝ գլխավոր դատախազին

ԱԺ «Հայաստան» խմբակցության պատգամավոր Լիլիթ Գալստյանը ՀՀ գլխավոր դատախազ Աննա Վարդապետյանին մեղադրեց ոչ սկզբունքային և կողմնակալ լինելու մեջ։ «Ակնհայտ է, որ ձեր նշանակումը հաշվարկված քայլ էր՝ կառուցված ձեր քաղաքական կողմնակալության և թիմային շահերը սպասարկելու պատրաստակամության հիման վրա, որը խանգարում է ձեզ գոնե մասամբ կանխել Հայաստանի հեղինակությունը վարկաբեկող բացահայտ քաղաքական հետապնդումները, կախյալ դատական համակարգը, ոստիկանության խոշտանգումներն ու բռնաճնշումները, կամայական ձերբակալությունները, վարչական ռեսուրսի ցինիկ չարաշահումը»,- ասաց Գալստյանը՝ նշելով, որ գլխավոր դատախազը բացառիկ գորովանք ունեք ՔՊ-ականների նկատմամբ, անգամ չի նկատում իշխանությունների հակապետական քայլերը․ «Փաշինյանը, որպես բարի կամքի դրսևորում, թշնամուն է փոխանցում ռազմական գաղտնիք հանդիսացող, չգաղտնազերծվող ականապատ դաշտերի քարտեզները։ Պետք է որ իմանաք՝ ինչպես է որակվում թշնամուն գաղտնի տեղեկություններ փոխանցելը․ պետական դավաճանություն, ասելիք կամ անելիք չունե՞ք, տիկի՛ն դատախազ»,- հարցրեց պատգամավորը: