Երևան`   +20 °C
Այսօր`   Երկուշաբթի, 15 ապրիլի, 2024 թ.

«Անհասկանալի է նման հայտարարության տրամաբանությունը»․ Զախարովան՝ ՀԱՊԿ-ի վերաբերյալ Փաշինյանի հայտարարության մասին

141
Չորեքշաբթի, 28 փետրվարի, 2024 թ., 16:36
«Անհասկանալի է նման հայտարարության տրամաբանությունը»․ Զախարովան՝ ՀԱՊԿ-ի վերաբերյալ Փաշինյանի հայտարարության մասին

Կտրականապես չենք ընդունում ՀԱՊԿ-ի պարտավորությունների չկատարման մասին Հայաստանի կշտամբանքները։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Չենք ընդունում Հայաստանի կշտամբանքները, թե ՀԱՊԿ-ը չի կատարել Հայաստանի նկատմամբ պարտավորությունները՝ տարածաշրջանում 2021-2022 թվականներին տեղի ունեցած հայտնի իրադարձություններից հետո։ Մեր մեղքը չէ, որ ռազմատեխնիկական օգնությունը մերժվեց Երևանի կողմից։ Ելնում ենք նրանից, որ Հայաստանը շարունակում է մնալ ՀԱՊԿ լիիրավ անդամ։ Ցավով հաստատում ենք, որ Երևանի մասնակցության դինամիկան ՀԱՊԿ-ում նվազել է։ Հուսով ենք՝ Երևանում կհասկանան, որ առկա մտահոգությունները պետք է քննարկել երկխոսության միջոցով, այլ ոչ թե հրապարակային, քաոսային ելույթներով։ Եթե խոսենք հայտարարության ոճի, տրամաբանության մասին, ապա անհասկանալի է։ Եթե, ըստ Երևանի, ՀԱՊԿ-ը դուրս է եկել Հայաստանից, ապա ինչպե՞ս կարող է Հայաստանը սառեցնել իր մասնակցությունը»,- նշել է Զախարովան։