Երևան`   +19 °C
Այսօր`   Երկուշաբթի, 22 ապրիլի, 2024 թ.

Գրիգորյանը՝ սահմանազատման հարցերով հանձնաժողովների հաջորդ հանդիպման մասին

202
Հինգշաբթի, 22 փետրվարի, 2024 թ., 15:18
Գրիգորյանը՝ սահմանազատման հարցերով հանձնաժողովների հաջորդ հանդիպման մասին

Հայաստանի և Ադրբեջանի միջև պետական ​​սահմանի սահմանազատման և սահմանային անվտանգության հարցերով հանձնաժողովների հաջորդ հանդիպման հստակ ամսաթիվ դեռ չկա, այս մասին լրագրողների հետ զրույցում հայտնել է ՀՀ փոխվարչապետ Մհեր Գրիգորյանը։ Լրագրողի այն հարցին, թե կոնկրետ ի՞նչ է քննարկվում այդ հանդիպումներին, կա՞ արդյոք քարտեզ, որի շուրջ բանակցություններն ընթանում են, Մհեր Գրիգորյանը պատասխանել է․ «Ես վստահ եմ, որ դուք ինքներդ էլ գիտեք, թե դելիմիտացիայի գործընթացն ինչ բարդ գործընթաց է: Նախ քարտեզ ասելիս պետք է հասկանանք, որ խոսք պետք է գնա բացառապես տոպոգրաֆիկ քարտեզների մասին, որոնք պրոֆեսիոնալ քարտեզներ են, որովհետև շատ դեպքերում շատ մարդիկ սխեմատիկ քարտեզները, մեթոդական քարտեզները շփոթում են տոպոգրաֆիկ քարտեզների հետ, որոնք այլ որակ և այլ տրամաբանություն ունեն։ Իրականության մեջ դելիմիտացիայի գործընթացը միայն քարտեզների հետ աշխատանքը չէ, այլ նախևառաջ իրավական հիմքի և հենքի բացահայտումն է, որի վրա կազմվել է այս կամ այն քարտեզը, ընդ որում ամեն մարմին չէ, որ իրավունք ունի կամ ունեցել է Խորհրդային միության ժամանակ քարտեզ կազմել կամ տպագրել։ Իրավական հենքի հետ կապված, կարծում եմ, արձանագրված բարձր մակարդակի պայմանավորվածություններ կան Պրահայում և Սոչիում, որտեղ հստակ հղում կա Ալմա Աթայի հռչակագրի վրա»:

Մհեր Գրիգորյանի ճեպազրույցը