Ռումինիան և Բուլղարիան կմիանան շենգենյան գոտուն 2024թ-ին

Եվրոմիության խորհուրդը միաձայն որոշում է ընդունել Ռումինիային և Բուլղարիային շենգենյան գոտի ընդունելու մասին։ Սահմանային վերահսկողության վերացումն օդային և ծովային սահմաններում կսկսվի 2024 թվականի մարտից, ասվում է Եվրոհանձնաժողովի՝ (ԵՀ) շաբաթ օրը՝ դեկտեմբերի 30-ին հրապարակված հայտարարության մեջ։

Ինչպես նշում է Բրյուսելը, ցամաքային սահմաններում հսկողության վերացման ժամկետների վերաբերյալ քննարկումները կշարունակվեն 2024 թվականին։ Ռումինիայի և Բուլղարիայի միացումը շենգենյան գոտուն «կաջակցի տեղաշարժի, առևտրի և զբոսաշրջության զարգացմանը, ինչպես նաև ներքին շուկայի հետագա ամրապնդմանը», ասվում է ուղերձում։

Բրյուսելը տեսնում է պահանջվող պայմանների կատարումը
2022 թվականի նոյեմբերին ԵՀ-ն ԵՄ խորհրդին կոչ արեց շենգենյան համաձայնագրում ներառել Բուլղարիային, Ռումինիային և Խորվաթիային, քանի որ այդ երկրները հաջողությամբ կատարել են առանց վիզայի գոտուն միանալու բոլոր պայմանները։ Խորվաթիան միացել է շենգենյան գոտուն և եվրոգոտուն 2023 թվականի հունվարի 1-ին։

Ապրիլին Գերմանիայի կանցլեր Օլաֆ Շոլցը հանդես եկավ ի պաշտպանություն Ռումինիայի և Բուլղարիայի՝ ԵՄ շենգենյան գոտուն միանալուն: Ռումինիան և Բուլղարիան Եվրոմիության անդամ են դարձել 2007 թվականի հունվարի 1-ին։