Երևան`   +3 °C
Այսօր`   Երկուշաբթի, 04 մարտի, 2024 թ.

Երկու զոհ՝ Կոմիտասի պողոտայում տեղի ունեցած ավտովթարի հետևանքով

723
Կիրակի, 26 նոյեմբերի, 2023 թ., 13:06
Երկու զոհ՝ Կոմիտասի պողոտայում տեղի ունեցած ավտովթարի հետևանքով

Նոյեմբերի 26-ին, ժամը 09:28-ին Ճգնաժամային կառավարման ազգային կենտրոն ահազանգ է ստացվել, որ Երևանի Կոմիտասի պողոտայում՝ Րաֆֆու անվան դպրոցի մոտակայքում, տեղի է ունեցել ՃՏՊ․ անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ բախվել են «Audi» (վարորդ՝ Վ. Ա.) և «VAZ» (վարորդ՝ Լ. Խ.) մակնիշների ավտոմեքենաները։
Մինչ փրկարարների կանչի վայր հասնելը՝ «VAZ» մակնիշի ավտոմեքենայի ուղևորներից մեկը հոսպիտալացվել է բժշկական կենտրոն, որտեղ մահացել է։
Փրկարարները հոսանքազրկել են ավտոմեքենաները, փակել գազի բալոնների փականները, «VAZ» մակնիշի ավտոմեքենայից դուրս բերել մյուս ուղևորին (Կ. .Խ, ծնված 1957թ․) և մոտեցրել շտապօգնության ավտոմեքենային:
Վարորդ Լ. Խ-ն (ծնված 2001թ․) և ուղևոր Կ. Խ-ն (ծնված 1957թ․) հոսպիտալացվել են բժշկական կենտրոն, որտեղ Կ․ Խ-ն մահացել է, իսկ Լ․ Խ-ի առողջական վիճակը գնահատվել է միջին ծանրության։

Երկու զոհ՝ Կոմիտասի պողոտայում տեղի ունեցած ավտովթարի հետևանքով
Երկու զոհ՝ Կոմիտասի պողոտայում տեղի ունեցած ավտովթարի հետևանքով