Երևան`   +24 °C
Այսօր`   Շաբաթ, 20 ապրիլի, 2024 թ.

Սպիտակ տունը չի կարողացել համոզել հանրապետականներին, որ Ուկրաինային անհրաժեշտ է օգնել. #Politico

1444
Հինգշաբթի, 23 նոյեմբերի, 2023 թ., 18:36
Սպիտակ տունը չի կարողացել համոզել հանրապետականներին, որ Ուկրաինային անհրաժեշտ է օգնել. #Politico

Սպիտակ տունը պատասխան է ուղարկել հանրապետական քոնգրեսականի հարցմանը, որում փորձել է հիմնավորել Ուկրաինային օգնելու անհրաժեշտությունը, սակայն հանրապետականների շրջանում «թերահավատները», կարծես թե, համոզիչ չեն համարել պատասխանը, գրում է Politico-ն:

Թերթի տվյալներով՝ ԱՄՆ նախագահ Ջո Բայդենի վարչակազմը ծավալուն պատասխան է պատրաստել քոնգրեսական Մայք Գարսիայի հարցմանը:

Քոնգրեսականի խոսքով՝ Սպիտակ տունը փաստացի հայտարարել է, որ անհրաժեշտ է պահպանել նախկինում որդեգրած կուրսը:

«Տեղի ունեցածը ցույց է տալիս, որ հանրապետականները, որոնք չեն աջակցում Ուկրաինայի համար միջոցների հետագա հատկացմանը, դժվար թե փոխեն դիրքորոշումը Սպիտակ տան նման փաստարկների ազդեցության տակ»,-նշում է թերթը: