Երևան`   +3 °C
Այսօր`   Երկուշաբթի, 04 մարտի, 2024 թ.

«Գազայի առողջապահական համակարգը փլուզման եզրին է». Գուտերեշ

941
Ուրբաթ, 13 հոկտեմբերի, 2023 թ., 23:48
«Գազայի առողջապահական համակարգը փլուզման եզրին է». Գուտերեշ

Գազայի հատվածի առողջապահական համակարգը գտնվում է փլուզման եզրին, լրագրողներին ասել է ՄԱԿ-ի գլխավոր քարտուղար Անտոնիո Գուտերեշը։
«Առողջապահական համակարգը գտնվում է փլուզման եզրին: Դիահերձարանները գերբեռնված են, 11 բուժաշխատող է զոհվել իրենց պարտականությունները կատարելիս: Վերջին մի քանի օրվա ընթացքում 34 հարձակում է եղել առողջապահական հաստատությունների վրա»,- ասել է Գուտերեշը:
Նրա խոսքով՝ Գազայի հատվածի հարավային հիվանդանոցները գերծանրաբեռնված են և չեն կարողանա տեղավորել հյուսիսից հազարավոր հիվանդների, իսկ 1 միլիոն մարդու տեղաշարժը դեպի հարավ չափազանց վտանգավոր է, իսկ որոշ դեպքերում՝ անհնար։