«Լաչինի միջանցքը պետք է վերաբացվի հիմա». Բորելը` Բայրամովին

Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Եվրոպական միության արտաքին հարաբերությունների և անվտանգության քաղաքականության հարցերով բարձր ներկայացուցիչ/ԵՄ հանձնաժողովի փոխնախագահ Ժոզեպ Բորելի հետ։

Հեռախոսազրույցից մանրամասներ ներկայացնելով՝ Բորելը X–ի իր միկրոբլոգում գրել է. «Ադրբեջանի ԱԳ նախարար Ջեյհուն Բայրամովի հետ զրույցում ես կրկնեցի իմ մտահոգությունը Ղարաբաղի հայերի առջև ծառացած հումանիտար իրավիճակի վերաբերյալ։

Լաչինի միջանցքը պետք է վերաբացվի հիմա։ Այլ ճանապարհներ, օրինակ՝ Աղդամը, կարող են բացվել՝ որպես լուծման մաս, բայց ոչ՝ որպես այլընտրանք»: