Շվեյցարիայի հալած սառցադաշտում հայտնաբերվել է 37 տարի առաջ անհետացած լեռնագնացի մարմինը

37 տարի առաջ անհետացած լեռնագնացի մարմինը հայտնաբերվել է հալչող շվեյցարական սառցադաշտում։ Այս մասին հայտնում է Live Science-ը։

Հուլիսի 12-ին Զերմատ գյուղից հարավ գտնվող Թեոդուլ սառցադաշտի լեռնագնացները նկատել են մարդկային մնացորդներ, որոնք դուրս էին եկել հալվող սառույցի տակից, ինչպես նաև արշավային կոշիկներ և կրամպոններ, կոշիկի պարագաներ, որոնք հեշտացնում են լեռ բարձրանալը: Մնացորդներն ուղարկվել են Վալեի հիվանդանոցի դատաբժշկական բաժին, և ԴՆԹ թեստը հաստատել է, որ դրանք պատկանում են 38-ամյա լեռնագնացին, ով անհետացել էր լեռներում 1986 թվականին: