Պուտինն ստորագրել է սեռափոխությունն արգելող օրենքը

Ռուսաստանի նախագահ Վլադիմիր Պուտինն ստորագրել է սեռափոխությունն արգելող օրենքը։ Այսուհետ դա հնարավոր կլինի անել միայն բժշկական ցուցումներով։

Փաստաթղթի համաձայն, ամուսիններից մեկի կողմից սեռափոխության դեպքում Ռուսաստանում ամուսնությունը չեղյալ կհայտարարվի։ Նախատեսվում է նաև, որ եթե քաղաքացին ունի սեռափոխության վկայական, ապա նրան կարգելվի երեխա որդեգրել։

Պետության ղեկավարի կողմից ստորագրված փաստաթղթի նորմերը չեն տարածվում այն ​​անձանց վրա, ովքեր փոխել են իրենց սեռը մինչև Ռուսաստանի Դաշնությունում սեռափոխության արգելման մասին օրենքի՝ ուժի մեջ մտնելը:

Օրենքն ամբողջությամբ հրապարակված է իրավական տեղեկատվության պաշտոնական պորտալում։