ԱՄՆ-ն պատժամիջոցներ է սահմանել Ալեքսեյ Կուդրինի և ևս 15 անձի դեմ

ԱՄՆ ֆինանսների նախարարությունն ընդլայնել է Ռուսաստանի նկատմամբ պատժամիջոցների ցանկը՝ դրան ավելացնելով 16 ՌԴ քաղաքացի։ Սև ցուցակում, ի թիվս այլոց, ներառվել է Հաշվիչ պալատի նախկին ղեկավար, Yandex-ի խորհրդական Ալեքսեյ Կուդրինը:
Պատժամիջոցների ցանկում են նաև ԱԴԾ-ի ղեկավարի առաջին տեղակալ Սերգեյ Կորոլևը, էկոնոմիկայի, արդյունաբերության և առևտրի, ֆինանսների, էներգետիկայի նախարարության, Սմոլենսկի մարզի նահանգապետի պաշտոնակատար Վասիլի Անոխինը և մի շարք թոփ-մենեջերներ։
Հինգշաբթի ավելի վաղ հայտնի դարձավ Կանադայի պատժամիջոցների ցուցակի ընդլայնման մասին, որում ներառված էին տասնյակ իրավաբանական և ֆիզիկական անձինք, այդ թվում՝ պրոդյուսեր Իոսիֆ Պրիգոժինը, դերասան Իվան Օխլոբիստինը, ռեժիսոր Նիկիտա Միխալկովը և երգչուհի Յուլիա Չիչերինան։

Այսօր նաև ԵՄ-ն է ևս վեց ամսով երկարաձգել Ռուսաստանի Դաշնության դեմ պատժամիջոցները և ընդլայնել պատժամիջոցների ցանկը։