Սպիտակում շունը հարձակվել է երեխայի վրա. վիճակը ծանր է

Ժամը 12։20-ի սահմաններում Սպիտակի թաղամասերից մեկում ​ շունը հարձակվել է 8-ամյա երեխայի վրա եւ պատճառել ​ մարմնական բազմաթիվ ​ վնասվածքներ։
Մասնավորապես՝ դեմքի, գլխի եւ պարանոցի շրջանում, սուր արյունահոսությամբ, հեմոռագիկ շոկով։ Այս մասին հայտնում է Սպիտակի ԲԿ-ն:

Երեխան հիվանդանոց է ընդունվել ​լաթաձեւ պատռվածքներով՝ ​ծայրահեղ ծանր վիճակում։ ​Փոքրիկն անմիջապես տեղափոխվել ​է վիրահատարան։ Ողջ բուժանձնակազմը մայրապետից մինչեւ վիրաբուժական թիմ՝ ​շարունակում են պայքարել ​երեխայի կյանքի համար։ Ավելի քան 1.5 ժամ տեւած վիրահատությունն ավարտվել է։ Երեխայի վիճակը գնահատվում է ծանր: Շարունակում է ստանալ անհրաժեշտ բուժօգնություն:
Երեխայի՝ հիվանանոց ընդունվելուց րոպեներ անց նույն թաղամասից շան կծած վերքերով հիվանդանոց է ընդունվել ​ եւս մեկ քաղաքացի։ Նրան ցուցաբերվել ​ է անհրաժեշտ առաջին բուժօգնություն, որից հետո դուրս է գրվել հիվանդանոցից։ ​
Փոքրիկի առողջական վիճակի մասին կտրվի լրացուցիչ տեղեկատվություն։