Ուկրաինան կստանա եվրոպական F-16 ինքնաթիռներ

F-16 կործանիչների մատակարարումն Ուկրաինա, ամենայն հավանականությամբ, կիրականացվի եվրոպական երկրների պաշարներից, հայտարարել է ԱՄՆ-ի ազգային անվտանգության հարցերով խորհրդական Ջեյք Սալիվանը։

«Ինչ վերաբերում է F-16 կործանիչներին, նախագահ Բայդենը մի քանի շաբաթ առաջ որոշում է կայացրել՝ աշխատելով դաշնակիցների հետ սերտ խորհրդակցությամբ, սկսել ուկրաինացի օդաչուների վերապատրաստումն այդ ինքնաթիռներում: Այս ուսուցումը որոշ ժամանակ կպահանջի, իսկ հետո տեղի կունենա F-16-ների տեղափոխում, հավանաբար եվրոպական երկրներից, որոնք ունեն այդ ինքնաթիռները»,- ասել է Սալիվանը։