ԱԻՆ կայքում «Արցախ»-ը փոխարինվեց «Լեռնային Ղարաբաղ»-ով

Այն բանից հետո, երբ Արտակարգ իրավիճակների նախարարությունը դադարեցրեց իր գործունեությունը՝ որպես առանձին գերատեսչություն և միավորվեց Ներքին գործերի նախարարությանը, «Արցախ» եզրույթը փոխարինվեց «Լեռնային Ղարաբաղ»-ով:

MAMUL.am-ի աչքից չի վրիպել, որ եթե եղանակի տեսության բաժնում Արցախի Հանրապետությունը տարիներ ի վեր ներկայացված էր ՀՀ մարզերի շարքում՝ «Արցախ» եզրույթով և սանդղակում ոչ մի գրաֆիկական լուծմամբ չէր առանձնանում մյուս մարզերից, ապա հիմա «Արցախ»-ի փոխարեն գրված է «Լեռնային Ղարաբաղ» և սանդղակում առանձնացված է ՀՀ մարզերի շարքից:

Ընդ որում, այս որոշումը կիրառվում է նաև «հետադարձ ուժով», կայքում աստիճանաբար «Լեռնային Ղարաբաղ»-ով են փոխարինվում նախկինում «Արցախ»-ով հրապարակված լուսանկարները: