Ֆրանսիայի ԱԳՆ-ն հայտարարել է երկրում անկարգությունների ավարտի մասին

Ֆրանսիայի ՆԳՆ ղեկավար Ժերալդ Դարմանինը հայտարարել է, որ ողջ հանրապետությունում ավարտվել են անկարգությունները։ Նրա խոսքերը մեջբերում է Ֆրանսիայի Սենատի մամուլի ծառայությունը։

«Մենք փաստում ենք, որ ամբողջ Ֆրանսիայում կրկին հանգիստ է»,- ասել է նախարարը։

Միևնույն ժամանակ, Դարմանենը նշել է, որ իրավապահ մարմինները դեռ գտնվում են ուժեղացված մոբիլիզացիայի ռեժիմում։

Մինչ այս Ֆրանսիայի վարչապետ Էլիզաբեթ Բորնը հայտարարել էր, որ Ֆրանսիայում անկարգությունների հետ կապված իրավիճակը, որոնք ավելի վաղ բռնկվել էին ամբողջ երկրում, գրեթե ամբողջությամբ վերադարձել են բնականոն հուն։

Նախօրեին Ֆրանսիայի նախագահ Էմանուել Մակրոնը հայտարարել էր, որ հանրապետությունում լայնածավալ անկարգությունների գագաթնակետն անցել է։

Ֆրանսիայում բողոքի ցույցերն սկսվել են հունիսի 27-ի երեկոյան Փարիզի արվարձաններում ոստիկանների կողմից 17-ամյա դեռահասի սպանությունից հետո։ Հունիսի 29-ի գիշերը ցուցարարները հրկիզել են մեքենաներ, ջարդել ցուցափեղկերը, հարձակվել ոստիկանների վրա, բարիկադներ կառուցել։