Հունգարիան խոստացել է շարունակել արգելափակել Ուկրաինային տրամադրվող օգնությունը, եթե չկատարվի իր նախապայմանը

Կիևը պետք է հանի հունգարական OTP բանկը Ռուսաստանին աջակցող ընկերությունների ցանկից, հակառակ դեպքում Հունգարիան սպառնացել է հետագայում արգելափակել Եվրոմիության միջոցով Ուկրաինային սպառազինելու միջոցները: Այսպիսի հայտարարություն է արել արտգործնախարար Պիտեր Սիժարտոն։

Նա պարզաբանել է իր դիրքորոշումն այդ հարցի վերաբերյալ մամուլի ասուլիսում. «Քանի դեռ OTP-ն չի հանվել այս ցուցակից, Հունգարիան չի աջակցի ԵՄ-ի շրջանակներում Ուկրաինային զենքի մատակարարման ֆինանսավորմանը»:

Միևնույն ժամանակ Սիյարտոն նշել է, որ խոսքը ոչ միայն 500 միլիոն եվրոյի մասին է, որը Հունգարիայի նախարարների կաբինետն արդեն արգելափակել է, այլև ապագայում Ուկրաինային օգնության մասին։ Կիևի փաստարկներն առ այն, որ բանկը հայտնվի այս ցուցակում, Սիյարտոն անվանել է «ծիծաղելի»: Նրա խոսքով, բանկն ինքն է ապահովում, որ իր մասնակցությունը Ռուսաստանի բանկային հատվածում չգերազանցի 0,1%-ը։