Գեներալ Սուրովիկինին հարցաքննում են

Զինվորական դատախազության ներկայացուցիչները վերջին օրերին հարցաքննում են գեներալ Սերգեյ Սուրովիկինին «Վագներ»-ի ղեկավար Եվգենի Պրիգոժինի հետ ունեցած կապերի մասին, հայտնում է Bloomberg-ը՝ վկայակոչելով իրավիճակին ծանոթ աղբյուրին։ Նրան պահում են ինչ-որ տեղ, բայց ոչ բանտում։

Աղբյուրի փոխանցմամբ՝ նրանք Սուրովիկինին ուշադիր են վերաբերվում, չեն ցանկանում զայրացնել մյուս զինվորականներին, ովքեր հարգում են գեներալին ծառայության համար։

Գեներալ Սուրովիկինին չեն տեսել շաբաթ օրվանից ի վեր, այն բանից հետո, երբ նա տեսանյութով Պրիգոժինին կոչ արեց դադարեցնել ապստամբությունը։ Երեկ Սուրովիկինի ձերբակալության մասին The Moscow Times-ին հայտնել էին ՌԴ պաշտպանության նախարարությանը մոտ կանգնած երկու աղբյուրներ։ Հինգշաբթի օրը Financial Times-ը, վկայակոչելով երեք աղբյուրի, հայտարարել էր գեներալի ձերբակալության մասին։