Իրանն աշխարհում երրորդ խոշորագույն գազ արտադրողն է

Միջազգային վիճակագրության համաձայն, Իրանը 2022 թվականին գազի խոշորագույն արտադրողների շարքում երրորդ տեղն է զբաղեցրել: Այն նաև աշխարհում նավթ արդյունահանող ութերորդ երկիրն է։

ԻՌՆԱ-ի հաղորդման համաձայն, հրապարակվել է Էներգետիկայի միջազգային ինստիտուտի կողմից պատրաստված՝ 2023 թվականի համաշխարհային էներգետիկ վիճակագրության 72-րդ տարեկան զեկույցը։ Այս զեկույցը նախկինում 70 տարի հրապարակել էր բրիտանական British Petroleum ընկերությունը, սակայն անցյալ տարի ընկերությունը անսպասելիորեն հայտարարեց, որ այլևս նման զեկույցներ չի հրապարակելու, և նման աշխատանք կիրականացնի մասնագիտացված ինստիտուտը, որը կոչվում է Էներգետիկայի միջազգային ինստիտուտ։

Իրանում նավթի արդյունահանումը 2022 թվականին աճել է 4,1%-ով և հասել օրական 3,313 մլն բարել նավթի և հեղուկի՝ չնայած շարունակվող պատժամիջոցներին։

Այս զեկույցում նշվում է նաև 2022 թվականին բնական գազի համաշխարհային արդյունահանման 0,2% անկման մասին։ Աշխարհում բնական գազի ընդհանուր արդյունահանումն այս տարի նվազել է մինչև 4,048 տրիլիոն խմ։

Այնուամենայնիվ, Իրանի գազի արդյունահանումն աճել է 1,1 տոկոսով՝ 2022 թվականին հասնելով 259 միլիարդ խորանարդ մետրի։