Թուրքական դպրոցի տնօրենը հեռացվել է աշխատանքից «ծիածանի պատճառով»

Ստամբուլի տարրական դպրոցի տնօրենն ու ուսուցիչն աշխատանքից ազատվել են սոցիալական ցանցերում շրջանառվող լուսանկարներից հետո, որոնցում երևում է, որ ուսուցիչներն ու երեխաները լուսանկարվում են դպրոցում ԼԳԲՏ դրոշների և ծիածանի պարագաների առջև՝ նշելով հպարտության միամսյակը:
Նրանց հեռացումը ոչ բոլոր ծնողներին է գոհացրել. վրդովված ուսուցիչների հեռացումից՝ ծնողները ստորագրահավաք են նախաձեռնել՝ ի պաշտպանություն ուսուցիչների։ Երկու օրում խնդրագիրը ստորագրել է 18000 քաղաքացի։

«Ե՞րբ է ծիածանը հանցագործություն դարձել: Ե՞րբ են արգելվել գույները: Պահանջում ենք արդարադատություն ուսուցիչների համար, ովքեր ենթարկվել են անարդար հալածանքների. մենք աջակցում ենք մեր ուսուցչին»,- ասված է խնդրագրում։

Ավելի վաղ նմանատիպ սկանդալ էր տեղի ունեցել Ստամբուլի Բեյքոզ քաղաքի մասնավոր մանկապարտեզի հետ։