Ուզբեկստանը կսկսի ռուսական գազ գնել

2023 թվականի հոկտեմբերի 1-ից Ուզբեկստանը կսկսի ռուսական գազ գնել օրական 9 մլն խմ ծավալով, ներմուծման տարեկան ծավալը կկազմի մոտ 2,8 մլրդ խմ։ Այս մասին հայտնում է Ուզբեկստանի էներգետիկայի նախարարությունը։

Սանկտ Պետերբուրգի միջազգային տնտեսական ֆորումում երկու տարի ժամկետով գազի մատակարարման մասին համաձայնագիր են ստորագրել Ուզբեկստանի էներգետիկայի նախարար Յուրաբեկ Միրզամախմուդովը և «Գազպրոմի» խորհրդի նախագահ Ալեքսեյ Միլլերը։

Պայմանագրից բացի ստորագրվել է ճանապարհային քարտեզ, որը, ի թիվս այլ բաների, նախատեսում է 22 կիլոմետր նոր մայրուղային գազատարների կառուցում, 56 կիլոմետր գազատարների վերանորոգում և գազատարի պոմպային սարքավորումների ձեռքբերում։