TikTok-ը 1 միլիարդ դոլարի վիդեոքարտեր է գնել Nvidia-ից

TikTok սոցիալական ցանցի սեփականատեր չինական ByteDance ընկերությունը Nvidia-ից 1 միլիարդ դոլար արժողությամբ A100 և H800 պրոֆեսիոնալ վիդեոքարտեր է գնել։
ByteDance-ը շտապում է՝ Չինաստանի դեմ ԱՄՆ-ի ապագա պատժամիջոցների ֆոնին. շուտով վիդեոքարտերի և այլ սարքավորումների վաճառքը Չինաստանին կարգելվի։ Այսօրվա դրությամբ, ներառյալ վերջին գնումը, ByteDance-ն ունի մոտ 100,000 Nvidia A100 և H800 գրաֆիկական քարտ, որը համեմատելի է չինական ամբողջ շուկայի հետ:

ByteDance-ը դեռ չի մեկնաբանել նման գումարով վիդեոքարտեր գնելը։ Իսկ թե ինչ է անելու ընկերությունը դրանց հետ՝ վերավաճառելու է չինական այլ ընկերություններին կամ օգտագործելու է արհեստական ​​ինտելեկտի ուսուցման համար, անհայտ է: