Երևան`   +16 °C
Այսօր`   Ուրբաթ, 29 մարտի, 2024 թ.

«Որքանո՞վ են նման անձինք անվտանգ հանրության համար». ԱԺ պատգամավոր

197
Հինգշաբթի, 08 հունիսի, 2023 թ., 12:54
«Որքանո՞վ են նման անձինք անվտանգ հանրության համար». ԱԺ պատգամավոր

ԱԺ «Հայաստան» խմբակցության պատգամավոր Գառնիկ Դանիելյանը ֆեյսբուքյան իր էջում գրառում է կատարել՝ կցելով տեսանյութ. «Այլևս անհանդուրժելի է այս իշխանությունների ներկայացուցիչների ակտիվ մասնակցությամբ քաղաքացիների հանդեպ բռնության տարբեր դրսևորումները։
Երեկ էլ Թալին խոշորացված համայնքի Արագածավան գյուղի ՋՕԸ վերահսկողության պետ, ՔՊ-ական Սուրեն Թորոսյանն է ծեծի ենթարկել 18-ամյա տղայի, ապա աչքերին գազ փչել։ Ի դեպ, տղան ունի առողջական խնդիրներ։
Գիշերը Արագածավան համայնքի բնակիչները փակել էին ճանապարհը՝ պահանջելով, որպեսզի միջոցներ ձեռնարկվեն սույն անձին պատասխանատվության ենթարկելու համար։
Պարզապես բառեր չեմ գտնում նկարագրելու, թե մինչև ուր կարող է հասնել երկրում տիրող «բեսպրիդելը»։
Քաղաքացիների վրա թքե՞լը, ծեծի ենթարկե՞լն է ձեր դավանած «ժողովրդավարությունը»։
Ողջունում եմ Արագածավանցիների ընդվզումը։ Սա պետք է դառնա համազգային ընդվզում։ Այլևս չպետք է թույլ տանք, որ իշխանական շրջանակներից որևէ անձ ոտնահարի մեր քաղաքացիների իրավունքներն ու արժանապատվությունը։
Իսկ ՔՊ-ական տվյալ անձի արարքին պետք է տրվի իրավական խիստ գնահատական։
Պարզվում է, վերջինս հակակրանք է տածում երեխաների, արցախցիների նկատմամբ։ Ասածիս ապացույցը նրա մասնակցությամբ այս տեսանյութն է։ Հարց է առաջանում․ որքանո՞վ են նման անձինք անվտանգ հանրության համար։ Դատողությունները թողնում եմ ձեզ»։

Աղբյուրը`   Գառնիկ Դանիելյան