Արարատի մարզում Վերջին զանգի փորձն ավարտվել է դանակահարությամբ
![]() Երեկ՝ մայիսի 25-ին, Արարատի մարզում դպրոցի վերջին զանգի արարողության փորձը ավարտվել է դանակահարությամբ։ Ինչպես հայտնում է Գագիկ Շամշյանը, ժամը 22։40-ի սահմաններում «Արտաշատ» բժշկական կենտրոնից ՀՀ Ներքին գործերի նախարարության Ոստիկանության Արտաշատի բաժին ահազանգ է ստացվել, որ «որովայնի թափանցող վիրավորում, ներքին և արտաքին արյունահոսություն, հեմոռագիկ շոկ» ախտորոշմամբ իրենց մոտ է տեղափոխվել մի երիտասարդ։ Բժիշկները ոստիկաններին հայտնել են, որ վիրավորը գտնվում է ծայրահեղ ծանր վիակում, վիրահատարանում է և ի վիճակի չէ կատրվածի մասին բացատրություն տալու։ Մինչ բժշիկները պայքարում են վիրավորի կյանքի համար, Ոստիկանության Արարատի մարզային վարչության ու Ոստիկանության Արտաշատի բաժնի ծառաողները պարզում են, որ վիրավորը Այգեզարդ գյուղի բնակիչ 22-ամյա Սահակ Սահակյանն է։ Ոստիկանները պարզում են նաև, որ ժամը 22։00-ի սահմաններում Այգեզարդ գյուղի Ղարիբյան-Չկալովի փողոցների խաչմերուկում Արարատի մարզի Այգեպատ գյուղի բնակիչ 22-ամյա Մարատ Մինասյանը իր մոտ եղած դանակով հարվածել է Ս․ Սահակյանին, ապա հարձակվել վերջինի հոր՝ 48-ամյա Արայիկ Սահակյանի վրա, սակայն հայրը պաշտպանվել է, իսկ Մ․ Մինասյանը դիմել է փախուստի։ Ժամեր անց «Արտաշատ» բժշկական կենտրոնից Ոոստիկանության Արատաշտի բաժին ահազանգ է ստացվել, որ վիրավորին ռեանիմոբիլով տեղափոխել են Երևանի հիվանդանոցներից մեկը։ Ոստիկանության Արտաշտի բաժնի քրեական հետախուզության բաժանմունքի ծառայողները պարզում են, թե հնարավոր ո՞ր վայրում է գտնվում Մ․ Մինասյանը։ Քրեական հետախույզները մի քանի ժամ դարանակալում անելուց հետո բռնում են նրան և բերման ենթարկում Ոստիկանության Արտաշատի բաժին, որտեղից էլ ներկայացնում Հայաստանի քննչական կոմիտեի Արարատի մարզային քննչական վարչություն, որտեղ քննիչի որոշմամբ նախաձեռնվում է քրեական վարույթ՝ ՀՀ ՔրՕրի 166 հոդվածի 1-ին մասի հատկանիշներով։ Կասկածյալ Մ․ Մինասյանը ձերբակալվել է։ Ֆոտոլրագրողի տեղեկություններով՝ դանակահարության պատճառը եղել է այն, որ Այգեզարդ գյուղի դպրոցի վերջին զանգի միջոցառման փորձի ժամանակ Մ․ Մինասյանին դուր չի եկել Ս․ Սահակյանի կատակը իր եղբոր հասցեին, ինչն էլ ավարտվել է դանակահարությամբ։ Մանրամասները՝ սկզբնաղբյուրում: |
Կիևն ԱԹՍ-ներով զանգվածային հարձակման է ենթարկվել
152Երեկ, 15:30Դնեպրում հրթիռակոծության հետևանքով կա 4 զոհ, ավելի քան 30 վիրավոր
310Երեկ, 12:18Արցախում պայթյունից փլուզվել է ավտոտնակի պատը. կա զոհ
13327.05.2023, 22:00Կոտայքի վթարից տուժածներից 3-ի վիճակը գնահատվում է շատ ծանր, մեկի վիճակը՝ ծայրահեղ ծանր
17827.05.2023, 20:36Շերամի փողոցում 18 և 26 տարեկան երկու երիտասարդ դանակահարել են 26-ամյա երիտասարդին
16327.05.2023, 15:24Կոտայքի մարզում բախվել են Volkswagen-ն ու 06-ը, կա 1 զոհ, 7 վիրավոր
19327.05.2023, 13:48