«Եթե Արցախն Ադրբեջան էր, ինչո՞ւ մեր որդիներին տարաք ու սպանեցիք Ադրբեջանում». լրագրողը հնչեցրեց զոհվածի մոր հարցը

Ասուլիսի ժամանակ լրագրողը միացրեց ձայնագրություն՝ հնչեցնելով Կառավարության շենքի մոտ հավաքված զոհված զինծառայողների ծնողների հարցը, դրանցից մեկը վերաբերում էր Գայանե Մարտիրոսյանի կալանավորմանը, մյուսը՝ Արցախին. «Դեմքի հպարտ արտահայտությամբ հայտարարում եք, որ Արցախն Ադրբեջան է՝ պարզապես նախկիններն էին մեզ խաբել ու չէին ասում այդ մասին: Եթե Արցախն Ադրբեջան էր, ինչո՞ւ մեր որդիներին տարաք ու սպանեցիք Ադրբեջանում. դուք տարաք, ոչ թե նախկինները»: Փաշինյանն արձագանքեց. «ՀՀ ԶՈՒ և ԼՂ հարաբերությունների վերաբերյալ ես ոչ մի այլ որոշում չեմ կայացրել, բոլոր որոշումները կայացրած են եղել շատ վաղուց, իմ որդին որպես կամավոր ծառայել է ԼՂ-ում, մնացած մասով արդեն պատասխանել եմ այսօր»: