«Նորմալ չի, որ շաբաթով, ամսով փոսը փորված է, որևէ բան տեղի չի ունենում». Ավինյան

«Հաջորդ տարվանից ճանապարհները սպասարկման ենք հանձնելու ճանշիններին ու չենք անելու փոսալցման աշխատանքներ, այդպե՞ս է»,- Երևանի քաղաքապետարանում ընթացող գործակարգավարական խորհրդակցության ժամանակ դիմելով շինարարության և բարեկարգման վարչության պետի ժ/պ Խորեն Գրիգորյանին՝ հարցրեց փոխքաղաքապետ Տիգրան Ավինյանը: Գրիգորյանը պատասխանեց, որ փոսալցման, գծանշման, նշանների տեղադրման առանձին մրցույթներ չեն իրականացվելու, դրանք լինելու են փաթեթով, ամսական կատարողականով. ճանապարհների սպասարկման պատասխանատուն դառնում է ճանշին ընկերությունը: «Այսինքն, ֆիքսելու ենք, որ փոսը եթե փորվեց, նույն օրը պետք է լցվի»,- արձանագրեց Ավինյանը՝ հավելելով. «Հասկանալի է, որ եկող տարվանից այլ մեթոդաբանություն ենք դնում, բայց նորմալ չի, որ շաբաթով, ամսով փոսը փորված է, որևէ բան տեղի չի ունենում: Եթե չեն կարողանալու սպասարկել, թող հրաժարվեն պայմանագրերից»: