«Ադրբեջանցիները մեր զինծառայողներից մեկին սպանել էին, լուսանկարն ուղարկել կնոջը». Արման Թաթոյան

«Ադրբեջանն ամեն ինչ անում է հայկական կողմին ահաբեկելու համար, օրինակ, սեպտեմբերի 13-14-ի պատերազմի ժամանակ նրանք մեր զինծառայողներից մեկին սպանել էին, լուսանկարն ուղարկել կնոջը, այն հրապարակել նաև WhatsApp-ի սթորիի հատվածում»,- այս մասին այսօրվա ասուլիսի ժամանակ ասել է «Թաթոյան» հիմնադրամի ղեկավար Արման Թաթոյանը։ «Այս ամենը հետագայում տարածում են իրենց խրախճանքի համար, ցույց տալու՝ ինչ արդյունքների են հասել ու նրանք հերոսանում են»,- հավելել է Թաթոյանը: