«Կգա ժամանակը, հանրությունը կիմանա՝ ում պատճառով պարտվեցինք». ՔԿ նախագահ

ՀՀ քննչական կոմիտեի նախագահ Արգիշտի Քյարամյանը հայտարարել է, որ 44-օրյա պատերազմի ժամանակ «5-րդ շարասյուն» կար ու ենթադրում է՝ հիմա էլ կա. «5-րդ շարասյան վերաբերյալ բազմաթիվ գործեր են քննվում, մի մասի ընթացքն արդեն իսկ լուծվել է, մի մասը հանրայնացվել է, մյուս մասը՝ դեռ ոչ... Կգա ժամանակը, երբ հանրությունը կստանա իրեն հուզող բոլոր հարցերի պատասխանը, հստակ կիմանա՝ ո՞ւմ, ինչի՞ պատճառով պարտվեցինք: Ես դա ձեզ խոստանում եմ»,- լրագրողների հետ զրույցում նշել է պաշտոնյան: