Ռուսաստանը 3 ռազմական օդաչուի հայրենիք է վերադարձրել Ազովստալի 45 պաշտպանի դիմաց

Գերիների փոխանակման արդյունքում 3 օդաչու վերադարձել է Ռուսաստան, իսկ Ազովստալի 45 պաշտպան՝ Ուկրաինա։

Փոխանակումը տեղի է ունեցել «բարդ բանակցային գործընթացի արդյունքում», իսկ «գերության մեջ գտնվող օդաչուները մահացու վտանգի տակ են եղել»։ Այլ մանրամասներ ՊՆ-ից չեն հայտնել։

Նույն օրն Ուկրաինայի նախագահի գրասենյակի ղեկավար Անդրեյ Երմակը հայտնել է, որ Մարիուպոլը պաշտպանած Ազգային գվարդիայի 45 զինծառայողներ վերադարձվել են ռուսական գերությունից։

«Նրանք Ազովստալի 42 տղամարդ և 3 կին պաշտպաններ են, բոլորն էլ՝ Ազովի ափին 9 տարի առաջ ստեղծված ստորաբաժանման ազգային գվարդիականներ՝ 35 շարքայիններ և սերժանտներ, 10 սպա»,- գրել է Երմակը իր գրառման մեջ։