«Հազարավոր գյուղացիներ չեն կարողանում վաճառել իրենց խնձորն ու կարտոֆիլը». Նորայր Նորիկյան

«Արդար Հայաստան» կուսակցության նախագահ Նորայր Նորիկյանը ֆեյսբուքյան իր էջում գրել է. «Հազարավոր գյուղացիներ չեն կարողանում վաճառել հազարավոր տոննաներով իրենց խնձորն ու կարտոֆիլը։
Արտահանման գործընթացում տարբեր բարդությունների պատճառով հազարավոր մարդիկ կրում են ահռելի նյութական վնասներ։
Ակնհայտ է, որ տարիներ շարունակ արտահանման ոլորտում գոյություն ունեցող այս հիմնախնդիրը չի լուծվում, երբ պարբերաբար Լարսի ճանապարհն է փակվում, երբ զանազան այլ խոչընդոտներ են ստեղծում արտահանման համար։
Իրավասու մարմիններն ունե՞ն որևէ պատճառաբանված հիմնավորում, թե ի՞նչ է տեղի ունենում այս ոլորտում, ինչո՞ւ պետք է առանց այդ էլ ծանր պայմաններում գտնվող գյուղացիները հայտնվեն այսպիսի բարդ իրավիճակում․․․»: