ԵԽԽՎ-ն Ռուսաստանի գործողությունները ճանաչել է որպես ցեղասպանություն
Եվրոխորհրդի խորհրդարանական վեհաժողովն ուկրաինացի երեխաների արտաքսումն ու բռնի տեղափոխումը Ռուսաստանի Դաշնության տարածք ճանաչել է որպես ցեղասպանություն։ Համապատասխան բանաձևն ընդունվել է հինգշաբթի օրը լիագումար նիստում, գրում է European Truth-ը։ «Վեհաժողովն ընդգծում է, որ երեխաների բռնի տեղափոխումը մի խմբից մյուսը՝ ազգային, էթնիկ, ռասայական կամ կրոնական խմբին ամբողջությամբ կամ մասնակի ոչնչացնելու մտադրությամբ համարվում է ցեղասպանություն՝ համաձայն 1948 թվականի ցեղասպանության կոնվենցիայի հոդված 2 (ե) կետի»,- ասվում է բանաձևում։ Փաստաթղթում նշվում է, որ Դոնեցկի և Լուգանսկի շրջանների ժամանակավոր օկուպացված տարածքներից ուկրաինացիների ապօրինի տեղահանման պրակտիկան սկսվել է դեռևս Ռուսաստանի Դաշնության լայնամասշտաբ ագրեսիայի սկսվելուց առաջ՝ երեխաներին մանկատներից և մասնագիտացված հաստատություններից տեղափոխելու և արտաքսելու տեսքով։ ԵԽԽՎ-ն կոչ է արել Միջազգային քրեական դատարանին դիտարկել այս հանցագործության համար քրեական հետապնդման հնարավորությունը։ Հիշեցնենք, որ Ֆրանսիայի Սենատը՝ խորհրդարանի վերին պալատը, կոչ է արել ԵՄ կառույցներին և երկրներին ապացույցներ հավաքել ուկրաինացի երեխաներին բռնի կերպով Ռուսաստան տեղափոխելու վերաբերյալ և պատժամիջոցներ կիրառել այդ հանցագործությունների մեջ ներգրավված ռուս պաշտոնյաների նկատմամբ: |
«Հաջորդը Սյունիքն է, հետո Արարատն ու Վայոց ձորը»․ Սոֆյա Հովսեփյան
3500:36Իրավիճակը՝ Բաղանիս-Նոյեմբերյան ճանապարհին (տեսանյութ)
6500:00«Հիմա էլ լռե՞նք»․ Թագուհի Թովմասյան
65Երեկ, 23:48Քաղաքացիները հավաքվում են Ազատության հրապարակում (տեսանյութ)
74Երեկ, 23:30«Ոսկեպարի բնակիչները հայտարարել են, որ Փաշինյանն իրենց այլ բան էր խոստացել»․ Ոսկան Սարգսյան
69Երեկ, 23:18Բաղանիս և Ոսկեպար համայնքների բնակիչներն այս պահին ակցիա են իրականացնում
74Երեկ, 22:30