«Նիկոլ-***» համար բերման ենթարկված երիտասարդն ազատ արձակվեց

Միջադեպը տեղի է ունեցել Սայաթ Նովա-Չարենց խաչմերուկում, որտեղ ՔՊ-ի գրասենյակն է, ֆեյսբուքյան իր էջի ուղիղ եթերում մանրամասներ ներկայացրեց իրավապաշտպան Ռուբեն Մելիքյանը: Այնտեղ երիտասարդը, տեսնելով Փաշինյանին, նրա մասին իր վերաբերմունքն է հայտնել՝ գոռալով՝ «Նիկոլ՝ դավա***»: Նրան անմիջապես բերման են ենթարկել, պահել 1,5 ժամ, ապա ազատ արձակել: Ինչպես հետո որոշման մեջ է նշվել՝ բերման են ենթարկել սառը զենք կրելու կասկածանքով: «Այսինքն, ով որ կարծում է, որ Նիկոլը դավաճան է, պետք է իր գրպանում սառը զե՞նք ունենա»,- տարակուսում է Ռուբեն Մելիքյանը:

Ըստ իրավապաշտպանի, հնարավոր է, որ առաջիկայում այս ամենին իրավական ձևակերպում տան և բողոքարկեն, եթե քաղաքացին, ում անունը Սամվել է, համաձայնություն տա: