Երևան`   +19 °C
Այսօր`   Երկուշաբթի, 29 մայիսի, 2023 թ.

«Փոխանակ ներողություն խնդրեն, հայտարարություն են տարածում». Արթուր Հովհաննիսյան

203
Շաբաթ, 01 ապրիլի, 2023 թ., 21:30
«Փոխանակ ներողություն խնդրեն, հայտարարություն են տարածում». Արթուր Հովհաննիսյան

«Քաղաքացիական պայմանագիր» խմբակցության քարտուղար Արթուր Հովհաննիսյանը գրել է. «Փոխանակ ներողություն խնդրեն հանրությունից իրենց վարորդ-պատգամավորի խուլիգանական պահվածքի համար քոչարյանի խմբակցությունը վերից վար կեղծ իրականություն ներկայացնող հայտարարություն է տարածում՝ փորձելով արդարացնել իրենց դաշնակի արարքը։
Զուգահեռաբար պատվից հեռու խմբակցության ղեկավարն էլ ասում է, թե իրենց դաշնակը փախնող տղա չի։ Իհարկե, ԱԺ միջանցքներում լույսի արագությամբ փախչելու ու մկան ծակ ման գալու ֆոնին պատիվ չունեցողների ղեկավարը առավել քան բացահայտվում է իր ողջ «փուչիկ» էությամբ։
Իսկ Հայասպան դաշինքի ղեկավարությունը՝ զորամասեր մեջ-մեջ անելու գործով անցնող Սեյրան Օհանյանը ու մշտապես իրարամերժ մտքեր արտահայտող, անհասկանալի Արծվիկ Մինասյանը, միանշանակ պետք է կրեն քաղաքական պատասխանատվություն իրենց խմբակցության պատգամավորի արարքի համար, եթե իրենք իրոք ունակ են ղեկավարել իրենց վարձկանների խմբակցությունը։
Մյուս կողմից ի՞նչ սպասել հազարավոր մարդկանց ունեզրկած, մի ողջ պետության հիմքերը քանդած, նոյեմբերի 9-ի տեռորիստական ակտը արդարացնողներից, եթե ոչ ավելի ու ավելի վատը։
5-րդ շարասյան դեմ պայքարը չի ավարտվել, և այս ամենն էլ, վստահաբար, ամբողջությամբ տեղավորվում է ասածիս համատեքստում։
Մյուս կողմից էլ այս մարդկանց խմբակը պատրաստ է ամեն ինչի ապօրինի գույքերը պահպանելու, տարիների թալանածը չվերադարձնելու համար։
Ամեն դեպքում, ուշ թե շուտ պատասխանատվությունն անխուսափելի է լինելու, որտեղ էլ թաքնված լինեք, որքան էլ արագ փախչեք»։