Էրդողանը հավանություն է տվել խորհրդարանի կողմից ՆԱՏՕ-ին անդամակցելու՝ Ֆինլանդիայի դիմումի վավերացմանը

Resmi Gazete պաշտոնական թերթում հրապարակվել է Թուրքիայի նախագահ Ռեջեփ Թայիփ Էրդողանի հրամանագիրը, որով նա հաստատել է երկրի խորհրդարանի որոշումը՝ վավերացնել Ֆինլանդիայի՝ ՆԱՏՕ-ին անդամակցելու դիմումը։
Հիշեցնենք, որ Ֆինլանդիան ՆԱՏՕ-ին անդամակցելու հայտ էր ներկայացրել անցյալ տարվա մայիսին Շվեդիայի հետ միասին։ Այնուամենայնիվ, Թուրքիան և Հունգարիան որոշեցին Շվեդիայի դիմումը դիտարկել Ֆինլանդիայից առանձին։
Առայժմ Շվեդիայի հետ հարցը չի լուծվել, և Ֆինլանդիան ստացել է ՆԱՏՕ-ի բոլոր երկրների հավանությունը և մոտ օրերս դառնալու է դաշինքի անդամ։