Անհետ կորած երիտասարդի դին հայտնաբերվել է անդունդում

Այսօր՝ մարտի 23-ին, ողբերգական ավտովթար է տեղի ունեցել Լոռու մարզում: Ժամը 17:30-ի սահմաններում ՀՀ Ներքին գործերի նախարարության ոստիկանության Լոռու մարզային վարչություն և ոստիկանության Բազումի բաժին ահազանգ է ստացվել, որ Վանաձոր-Դիլիջան ավտոճանապարհի 4-րդ կմ հատվածում ավտոմեքենան գահավիժել է ձորը: Ինչպես դեպքի վայրից հայտնում է ֆոտոլրագրող Գագիկ Շամշյանը, ոստիկանները, փրկարարներն ու պարեկները ճանապարհից մոտ 500 մետր խորության անդունդում հայտնաբերել են Opel​ մակնիշի ավտոմեքենա: Այնտեղ իջնելու համար օգտագործվել են հատուկ ճոպաններ: Ավտոմեքենայից դուրս հայտնաբերվել է երիտասարդ տղայի դի: ​Այսօր առավոտ ժամը 06:00-ից ոստիկանները փնտրում էին մահացածին՝ որպես անհայտ կորած:

Դին մեծ դժվարությամբ փրկարարները, ոստիկաններն ու մահացածի հարազատները ճոպանի միջոցով դուրս են բերել անդունդից:

Աղբյուրի​ տեղեկություններով՝ մահացածը Լոռու մարզի բնակիչ, 24-ամյա Հովհաննես Կ.-ն է:

Առավել մանրամասն՝ սկզբնաղբյուրում: