Երևան`   +16 °C
Այսօր`   Ուրբաթ, 29 մարտի, 2024 թ.

Նիդերլանդները պետական ​​ծառայողներին արգելել է TikTok-ն օգտագործել աշխատանքային սարքերում

1580
Երեքշաբթի, 21 մարտի, 2023 թ., 18:54
Նիդերլանդները պետական ​​ծառայողներին արգելել է TikTok-ն օգտագործել աշխատանքային սարքերում

Նիդերլանդների Ներքին գործերի և թագավորական գործերի նախարարության պետքարտուղար Ալեքսանդրա վան Հեյֆելենը խորհրդարանին ուղղված նամակում ասել է, որ երկրի պետական ​​ծառայողները շուտով այլևս չեն կարողանա օգտագործել TikTok հավելվածն իրենց աշխատանքային շարժական սարքերում: Հաղորդվում է, որ համապատասխան որոշումն ընդունել է կառավարությունը՝ հաշվի առնելով Գլխավոր հետախուզության և անվտանգության ծառայության առաջարկությունը։
Վան Հեյֆելենի կողմից հրապարակված որոշման համաձայն, առաջին փուլում՝ այսօր, քաղծառայողներին խորհուրդ է տրվում չօգտվել TikTok-ից։ Հաջորդ քայլում պաշտոնյաների գրասենյակային հեռախոսները կկարգավորվեն լռելյայն՝ չհաստատված հավելվածների տեղադրումը կանխելու համար, այսինքն, «հավելվածների տեղադրումը, որոնք կարող են օգտագործվել լրտեսության համար, կդառնա անհնար»։

Ըստ Նիդերլանդների հեռարձակման կորպորացիայի, տեղադրման իրական արգելքը «կտարածվի TikTok սոցիալական ցանցի վրա, որը պատկանում է չինական ByteDance տեխնոլոգիական ընկերությանը»։