«Ոստիկաններն ապօրինաբար խուզարկում են այգում նստած կնոջը». Ռուբեն Մելիքյան

Իրավապաշտպան Ռուբեն Մելիքյանի ֆեյսբուքյան գրառումը. «Ինձ մի քանի ընկերներ ուղարկեցին մի տեսանյութ, որտեղ ոստիկանները, առանց որևէ հիմնավոր պատճառի, միջամտություն են իրականացնում այգում նստած մի տիկնոջ մասնավոր կյանքի անձեռնմխելիության նկատմամբ, ավելին՝ ապօրինաբար խուզարկում են նրան։
Հատկանշականն այն է, որ Ստեփան Շահումյանի ոճով ձեռքերը ծալած տիկին ոստիկանը բառացի պնդում է, որ իրենք իրավունք ունեն այդպես վարվել ՑԱՆԿԱՑԱԾ ՔԱՂԱՔԱՑՈՒ հետ։
Սա ոչ միայն ապօրինություն է, այլև լկտիություն։ Ու հետաքրքիր է՝ ինչ են այս առթիվ մտածում ոստիկանության «բարեփոխումների» վրա միլիոններ ծախսած ամերիկյան հարկատուները։
ՀԳ. Կարծում եմ՝ արժի գիտահանրամատչելի լայվ անել «Ոստիկանական միջամտության սահմանները» թեմայով։ Ի՞նչ կասեք»։