«Եվրոմիությունը 2 միլիարդ եվրոյով ավելացրել է Ուկրաինայի աջակցության ֆոնդը». Բորել

ԵՄ արտաքին գործերի գերագույն ներկայացուցիչ Ժոզեպ Բորելը հայտարարել է, որ ԵՄ խորհուրդը որոշել է իր «Խաղաղության հիմնադրամի» բյուջեն ավելացնել ևս 2 միլիարդով։

Այսօր ընդունված որոշմամբ, ըստ նրա, խաղաղության եվրոպական հիմնադրամի բյուջեն հասնում է մինչև 7,9 միլիարդ եվրոյի։ Այս ֆոնդի ֆինանսական կայունության ապահովումը, ըստ եվրոպական դիվանագիտության ղեկավարի, չափազանց կարևոր է «ոչ միայն Ուկրաինային, այլև Եվրոպայի, Աֆրիկայի և Մերձավոր Արևելքի այլ մասերում գործընկերներին աջակցելու համար»:

Եվրոպական խաղաղության հիմնադրամն ստեղծվել է 2021 թվականի մարտին՝ Եվրոմիության և ասոցիացիայի անդամ չհանդիսացող պետությունների միջև փոխգործակցության նպատակով։