Երևան`   +16 °C
Այսօր`   Ուրբաթ, 29 մարտի, 2024 թ.

Թբիլիսիում ցուցարարները պահանջել են կառավարության հրաժարականը

656
Հինգշաբթի, 09 մարտի, 2023 թ., 23:30
Թբիլիսիում ցուցարարները պահանջել են կառավարության հրաժարականը

Հինգշաբթի օրը Վրաստանի խորհրդարանի շենքի մոտ տեղի ունեցած բողոքի ակցիայի ժամանակ վրացական բանակի մի խումբ զինվորական վետերաններ կոչ են արել հրաժարական տալ կառավարությանը և նշանակել արտահերթ խորհրդարանական ընտրություններ, հաղորդում է «Ինտերֆաքսը»։

«Այս իշխանություններն ի վիճակի չեն Վրաստանը տանել դեպի Եվրոպա... Այս կառավարությունը պետք է հրաժարական տա, արտահերթ խորհրդարանական ընտրություններ պետք է նշանակվեն»,- ամբիոնից ասել է զինվորական հագուստ հագած մի տղամարդ, ով իրեն ներկայացրել է որպես բանակի վետերան։

Հրապարակում կանգնած ցուցարարներից ոմանք, այդ թվում՝ ընդդիմադիր կուսակցությունների առաջնորդները, ձեռքի բարձրացումով իրենց համերաշխությունն են հայտնել ցույցին։

Հանրահավաքում նաև կոչ է արվել Վրաստանի նախագահին՝ հրավիրել խորհրդարանի արտահերթ նիստ։ «Օտարերկրյա գործակալների մասին օրենքի չեղարկման վերաբերյալ ժողովրդի կամքը պետք է ֆորմալացվի օրինական, սահմանադրորեն, առանց հապաղելու»,- ասել է Lelo-ի ներկայացուցիչ Աննա Նացվլիշվիլին։

Նացվլիշվիլիի խոսքով, «եթե «Վրացական երազանքը» անկեղծ է օրինագիծը հետ կանչելու մասին իր այսօրվա հայտարարության մեջ, «ապա չպետք է դեմ լինի դրան»։