«Մենք բոլորին մահու չափ կվախեցնենք նոր շտամով». գաղտնազերծել են Մեծ Բրիտանիայի առողջապահության նախկին նախարարի նամակները

The Telegraph-ի ձեռքի տակ են հայտնվել Մեծ Բրիտանիայի առողջապահության նախկին նախարարի ավելի քան 100,000 WhatsApp հաղորդագրությունները:

Հաղորդագրությունները լրատվականին է փոխանցել լրագրող, «Համավարակի ժամանակների օրագիր»-ի համահեղինակ Իզաբել Օուքշոթը, ով ժամանակին դեմ էր հանդես եկել համավարակով պայմանավորված սահմանափակումներին: Վերջինի պնդմամբ՝ հասարակությունը պետք է ստանա վերջին տարիների հետ կապված շատ հարցերի պատասխանները, հասարակական կարևորության հարցեր են:

Հրապարակված հաղորդագրություններում Մեթ Հենքոկը 2020թ. դեկտեմբերի 13-ին իր օգնականի հետ քննարկել է, թե երբ պետք է հրապարակեն կորոնավիրուսի նոր շտամի՝ «քենթյան» տարբերակի մասին, որը հետագայում հայտնի դարձավ որպես «ալֆա» շտամ, որպեսզի լոկդաունին ընդդիմացողներ չլինեին. նրանք մտավախություն են ունեցել որ Լոնդոնի քաղաքապետը կարող էր ընդդիմանալ այդպիսի որոշմանը:

Առողջապահության նախարարի խորհրդականն առաջարկել է սոցիալական ակտիվությունը սահմանափակելու չափից շատ զգուշացումների և կոչերի փոխարեն պարզապես հայտարարել նոր շտամի մասին
Հաղորդագրություններում, մասնավորապես, նշվել է՝

«Մենք բոլորին մահու չափ կվախեցնենք նոր շտամով»,-ընդգծել է Հենքոկը:
«Դա մեզ կօգնի հասնել վարքագծի ցանկալի փոփոխությունների»,- ի պատասխան նշել է խորհրդականը:
«Ե՞րբ ենք դաշտ նետում նոր տարբերակը»,-հարցրել է Հենքոկը:

Նոր շտամի մասին Հենքոկը հայտնել է հաջորդ օրը:

Նշվում է, որ նախարարը շտամի հետ կապված զրուցել է նաև այլ գործընկերների հետ, խոսել հոգեբանական գործոնի մասին, քննարկել, թե ինչպիսի կոչերով և խոսքերով պետք է հանդես գան հանրության առջև, որպեսզի հոգեբանորեն ներազդեն նրանց վրա և հանգեցնեն ցանկալի վարքագծի, ցանկալի արդյունքի: