Ռումինիայի վարչապետը խորհրդական է նշանակել ռոբոտին

Ռումինիայի վարչապետ Նիկոլաե Չուկեն ION-ին նշանակել է արհեստական ​​ինտելեկտի հետ աշխատելու «պատվավոր խորհրդական»։ Այս մասին սոցիալական ցանցերում հայտնել է ինքը՝ Չուկեն։ «Ռումինիայի կառավարությունն աշխարհում առաջինն է, որն ունի արհեստական ​​ինտելեկտի վրա հիմնված պատվավոր խորհրդական։ Այն կոչվում է ION և հավաքելու է ռումինացիների կարծիքները հանրային տարածքից ընդհանուր հետաքրքրություն ներկայացնող տարբեր թեմաների վերաբերյալ: Այսպիսով, կառավարությունը ցանկացած պահի կկարողանա խորհրդակցել հասարակական կարծիքի հետ այն հարցերի շուրջ, որոնք քննարկվում են գործադիր իշխանությունների մակարդակով»,- գրել է Չուկեն։

Նա նշել է, որ նախագիծը 100%-ով ռումինական է՝ դիզայնից մինչև ծրագրային ապահովման մշակում և ապարատային աջակցություն:

«Խորհրդականի» խնդիրն է համացանցից հաղորդագրություններ հավաքել Ռումինիայի քաղաքացիների «առօրյա խնդիրների» մասին, ինչպես նաև տեղեկատվություն տարածել պաշտոնյաների միջև «համապատասխան պետական ​​քաղաքականության իրականացման համար»։