ԱՄՆ-ը կարող է իրանցի մաքսանենգներից առգրավված հրաձգային զենք-զինամթերքն ուղարկել Ուկրաինա. #TheWallStreetJournal

The Wall Street Journal-ի փոխանցմամբ՝ ԱՄՆ-ը դիտարկում է Ուկրաինային 5000 ինքնաձիգ և 1,6 միլիոն փամփուշտ, 7000-ից ավելի պայթուցիկ ուղարկելու հարցը, որոնք առգրավվել են մաքսանենգներից և նախատեսված էին Եմենում Իրանի կողմից աջակցվող զինյալների համար։

Սպիտակ տունը հրաժարվել է մեկնաբանել այս տեղեկությունը։

Ըստ ԱՄՆ պաշտոնյայի, Իրանի զենքերը կօգտագործվեն Ուկրաինային օգնելու համար, քանի որ Թեհրանը զենք է մատակարարում Ռուսաստանին:

Վերջին ամիսներին ԱՄՆ-ը և Ֆրանսիան առգրավել են զենք և զինամթերք՝ Իրանից Եմեն զենքի մաքսանենգ առաքումը կանխելուն ուղղված ջանքերի շրջանակներում: