Ֆրանսիան հորդորել է իր քաղաքացիներին շտապ հեռանալ Բելառուսից
 Ֆրանսիայի ԱԳՆ-ն հորդորել է իր քաղաքացիներին շտապ հեռանալ Բելառուսից: Հապճեպությունը բացատրվում է Ուկրաինայի սահմանների մոտ ռուսական զորքերի կենտրոնացմամբ և երկրի արևելքում շփման գծի երկայնքով հրադադարի ռեժիմի աճող խախտումներով առաջացած լարվածությամբ։ «Բելառուսում գտնվող Ֆրանսիայի քաղաքացիներին հորդորվում է առանց հապաղելու երկիրը լքել ավտոմոբիլային ճանապարհով Լիտվայի, Լեհաստանի կամ Լատվիայի հետ սահմանային անցակետերով: Անհրաժեշտության դեպքում օդային ճանապարհով ժամանող ուղևորները պետք է ելքի վիզայի համար դիմեն Բելառուսի Հանրապետության ՆԳՆ ծառայություններին»,- ասվում է նախարարության կայքում տեղադրված հաղորդագրության մեջ։ ԱԳՆ-ն նաև հիշեցրել է, որ Լիտվայի և Լատվիայի հետ սահմանները մնում են բաց, իսկ Լեհաստան կարելի է մուտք գործել միայն Բրեստ-Տերեսպոլի անցակետով։ Ավելի վաղ՝ այսօր՝ փետրվարի 13-ին, Ռուսաստանում ԱՄՆ դեսպանատունը հորդորել էր իր քաղաքացիներին շտապ լքել երկիրը՝ «ապօրինի ձերբակալությունների վտանգի պատճառով» և մոբիլիզացիայի նոր ալիքի պատճառով։ Գործակալությունը նաև նշել է, որ ԱՄՆ քաղաքացիները չպետք է այցելեն Ռուսաստան՝ Ուկրաինա լայնամասշտաբ ներխուժման անկանխատեսելի հետևանքների պատճառով։ |
«Անտեսվում են Դիլիջանի աղբավայրում գրեթե ամեն օր տեղի ունեցող հրդեհները»․ Ոսկան Սարգսյան
10101:12
«Իբրև թե չկռված Արցախի պաշտպանության բանակի հերոսական ճակատամարտերից մեկը». Դավիթ Թորոսյան (տեսանյութ)
14901:06
«Դեպքը տեղի չի ունեցել շինարարական աշխատանքի ընթացքում, մահացածները մեր աշխատակիցները չեն»․ «Դեֆանս Հաուզինգ»
11900:12
«Ամերիկացի գործիչների հետ հանդիպմանն անդրադարձ կատարվեց Հայոց Եկեղեցու ազգապահպան առաքելությանը»․ Մայր Աթոռ
114Երեկ, 23:54
«Խիստ կասկածում եմ, որ Գագիկ Ծառուկյանը սաղ-սալամաթ բանտից դուրս կգա». Արգիշտի Կիվիրյան
154Երեկ, 23:48
Հովհաննես Աբրահամյանը կգլխավորի ՔՊ-ի ցուցակը Աբովյանի ՏԻՄ ընտրություններում
96Երեկ, 23:00