Երևան`   +4 °C
Այսօր`   Ուրբաթ, 13 նոյեմբերի, 2026 թ.

Վառելիքի ու սեղմված գազի սղության պատճառով Արցախում տաքսի ծառայությունները բարձրացրել են գները

2181
Երկուշաբթի, 13 փետրվարի, 2023 թ., 20:42
Վառելիքի ու սեղմված գազի սղության պատճառով Արցախում տաքսի ծառայությունները բարձրացրել են գները

ԱՀ տեղեկատվական շտաբը հայտնում է. «Ադրբեջանի կողմից Արցախի Հանրապետության շրջափակման հետևանքով առաջացած վառելիքի ու սեղմված գազի սղության պատճառով նկատվում է տաքսի ծառայությունների մատուցման գների բարձրացում: Ելնելով խնդրի հրատապությունից՝ օպերատիվ շտաբի ներկայացուցիչներն արդեն հանդիպել են տաքսի ծառայություններ մատուցող մի խումբ անհատ վարորդների հետ և պայմանավորվածություն ձեռք բերել, որ մինչև շրջափակումը գործող գները պետք է պահպանվեն՝ անկախ գոյություն ունեցող դժվարություններից:
Բնակչությանը հորդորում ենք տաքսի ծառայությունների կողմից անհիմն գնաճ նկատելու դեպքում զանգահարել օպերատիվ շտաբում գործող 119 համարով գործող թեժ գիծ և տեղեկացնել խնդրի մասին»:

Աղբյուրը`   Արցախի տեղեկատվական շտաբ