Լեհաստանը 250 T-72 տանկ է փոխանցել Ուկրաինային

Լեհաստանը Ուկրաինային է հանձնել 250 T-72 տանկ, իսկ ապագայում կհանձնի 60 արդիականացված T-72 և PT-91 Twardy և 14 Leopards, հայտարարել է Լեհաստանի վարչապետ Մատեուշ Մորավիեցկին Ստոկհոլմում Շվեդիայի հետ բանակցություններից հետո կայացած մամուլի ասուլիսում։

«Լեհաստանն արդեն մատակարարել է 250 հետխորհրդային տանկ: Մենք նախատեսում ենք նաև լրացուցիչ մատակարարել արդիականացված 60 տանկ և ևս 14 Leopard»,- ասել է նա։

Մորավեցկին վստահեցրել է, որ Լեհաստանը կշարունակի ակտիվորեն աջակցել Ուկրաինային։

Լեհաստանը դարձավ առաջին երկրներից մեկը, որը ժամանակակից տանկեր ուղարկեց Ուկրաինա։ Վարշավան ակտիվորեն առաջ է քաշել այս նախաձեռնությունը՝ առաջարկելով ստեղծել երկրների տանկային կոալիցիա՝ Կիևին համատեղ նման աջակցություն ցուցաբերելու համար։