Մանրամասներ՝ Սիրիայում փլատակներից հանված նորածնի մասին. նա պորտալարով կպած է եղել մահացած մորը

Երկրաշարժից մեծ վնասներ կրած Հալեպի նահանգում փլատակների տակից դուրս են բերել նորածին աղջկա։ Նրա ողջ ընտանիքը մահացել է. երբ փրկարարները փլատակների տակից գտել են աղջկան, նա դեռևս պորտալարով կապված է եղել մահացած մոր հետ։ Հայրը ևս մահացած է եղել մոր կողքին: Հիվանդանոցի բժիշկները, ուր տեղափոխել են երեխային, ասել են, որ երեխայի ամբողջ մարմինը պատված է եղել սալջարդերով ու կապտուկներով, նա ցրտահարված է եղել: Այժմ նրա վիճակը կայուն է: