«Նիկոլին պետք են թալան-փարթիներ. մանիպուլյատիվ կտերը դադարել են մոգական ազդեցություն ունենալ». Նաիրա Զոհրաբյան

«Փաշինյանի մանիպուլյատիվ կտերն այլևս դադարել են հասարակության շատ ավելի լայն զանգվածների վրա մոգական ազդեցություն ունենալ, Նիկոլին արդեն պետք են թալան-փարթիներ»,- այս մասին 24News-ի եթերում հայտարարել է ԱԺ նախկին պատգամավոր Նաիրա Զոհրաբյանը՝ անդրադառնալով պատգամավորներ Սեյրան Օհանյանին և Արմեն Չարչյանին անձեռնմխելիությունից զրկելու հարցին:

Զոհրաբյանը հարց է բարձրացրել՝ «երբ Նիկոլ Փաշինյանի օրոք ղեկավարած ԳՇ պետի օգնական Պողոս Պողոսյանը 25 մլն դրամով հողատարածք է գնել ու 420 մլն-ով վաճառել պատգամավոր Իշխան Զաքարյանին, բա ինչի՞ Գլխավոր դատախազն այդ գործով միջնորդություն չի ներկայացնում»:

Գլխավոր դատախազի՝ ԱԺ-ում ներկայացրած միջնորդությունների քննարկմանն ընդդիմության չմասնակցելը Զոհրաբյանը վախկոտություն է անվանել. «Ինչի՞ չեք գնում, վախենո՞ւմ եք Նիկոլից, բա գնացեք և նրա երեսին ասեք այն, ինչ ասում եք ԱԺ-ի միջանցքներում և ինչ գրում եք ձեր գրառումներում»: